Velkomin á heimasíðu lyfjastofnana Evrópu, HMA

Þessi heimasíða er sameiginleg fyrir lyfjastofnanir á Evrópska efnahagssvæðinu, sem sjá um mannalyf og dýralyf. Síðan býður upp á tvær leiðir; mannalyf og dýralyf

Um HMA (Heads of Medicines Agencies)

Hlutverk og stefna

Forstöðumenn lyfjastofnana á Evrópska efnahagssvæðinu funda reglulega til að velja áherslur í stefnu stjórnvalda á sviði lyfjamála auk þess að skapa vettvang til að skiptast á sjónarmiðum og skoðunum um áhugaverð mál sem tengjast lyfjum og geta haft evrópska skírskotun.

Hópurinn beitir sér fyrir því að:

• Tryggja faglegan og vísindalegan stuðning af hæstu gæðum til stjórnsýslu lyfjamála á efnahagssvæðinu
• Stuðla að jafnvægi sjónarmiða milli nauðsynlegra ferla lyfjamála og þeirra auknu krafna fyrir lyfjastofnanir sem af þeim leiðir
• Veita forystu og yfirsýn í ferli gagnkvæmrar viðurkenningar á lyfjum innan efnahagssvæðisins
• Finna og koma á framfæri hagnýtum lausnum á vanda sem upp kann að koma innan lyfjamálakerfis aðildarríkjanna
• Skapa farveg til að koma sjónarmiðum lyfjastofnana aðildarríkjanna á framfæri við Framkvæmdastjórn Evrópusambandsins og lyfjastofnun Evrópu, EMEA.
• Funda að jafnaði tvisvar á hverri formannstíð. Formennska er hjá því aðildarríki sem hefur forsæti í Ráðherraráði Evrópusambandsins og er jafnframt þjónað af því ríki. Sé þetta ekki unnt semja forstöðumenn um aðra tilhögun. Ábyrgð á eðlilegri framvindu í starfi hópsins hvílir á herðum forstöðumanna lyfjastofnana þeirra þriggja ríkja sem mynda hóp ábyrgðaraðila síðasta, núverandi og næsta fundar hópsins.